!! ग्रामसचिवालय मंगरुळ !!

नमस्कार आणि ग्रामपंचायत मंगरूळच्या अधिकृत वेबसाइटवर आपले हार्दिक स्वागत!

ग्रामपंचायत मंगरूळ ही “निर्मल ग्राम राष्ट्रपती पुरस्कार विजेती, पर्यावरण विकास रत्न पुरस्कार विजेती आणि तंटामुक्त गाव पुरस्कार विजेती” ग्रामपंचायत आहे. ग्रामस्थांच्या सहभागातून, पारदर्शक व लोकाभिमुख प्रशासनातून मंगरूळ ग्रामपंचायतीने सर्वांगीण विकासाचा आदर्श घालून दिला आहे.

“स्वच्छ, सुंदर आणि आत्मनिर्भर मंगरूळ” हे आमचे ध्येय असून, शासनाच्या विविध योजना, CSR निधी व स्थानिक संसाधनांचा प्रभावी वापर करून ग्रामविकासाच्या नव्या संधी निर्माण करण्याचा आमचा सतत प्रयत्न आहे.

शिक्षण, महिला सक्षमीकरण, स्वच्छता, आरोग्य, सौरऊर्जा, जलसंवर्धन आणि पर्यावरण संरक्षण या क्षेत्रांमध्ये मंगरूळ ग्रामपंचायतीने अनेक उल्लेखनीय उपक्रम राबवले आहेत. डिजिटल माध्यमातून ग्रामपंचायतीच्या कामकाजात पारदर्शकता आणून नागरिकांना सेवा आणि माहिती सहज उपलब्ध करून देणे हे या वेबसाइटचे प्रमुख उद्दिष्ट आहे.

आपल्या सर्वांच्या सहकार्याने आणि सक्रिय सहभागाने मंगरूळ गाव “हरित, स्वच्छ आणि समृद्ध” करण्याचा आमचा दृढ संकल्प आहे.